笑看天下：大嘥鬼嘅理财原则

有论者指执政者最重要公忠体国、目光远大，而且要迎难而上。讲就容易，做起来又系另一回事。好似缠绕香港好几十年嘅房屋问题，搞到依家推出「简约公屋」，想快刀斩乱麻，却依然争拗不绝，问题喺边呢？

呢！有论者就指主因系官员唔敢迎难而上；譬如要起楼，又惊环保组织反对，要释放土地，又唔敢更改新界祖堂相关条例及郊野公园条例，以致蹉跎岁月，令公屋轮候时间日长。本报不久前踢爆港府自公布发展北部都会区以来，几年来收约30公顷棕地，仅占整个发展区嘅3%；并预料多花4年时间才收回约200公顷棕地，累计回收嘅棕地面积亦仅占24%。有环团直言港府以龟速收棕地，进度及不上非法开垦嘅速度，完全空谈发展。讲到尾，都系欠缺迎难而上嘅精神！

之但系，政府有啲政策又好勇猛果敢，好似申请开设及保留唔少首长级职位，就绝不手软！讲真，如果增开职位真系帮到手，又增加效率，咁就话加得其所啫！可惜完全唔系𠮶回事！呢，譬如话每年总开支逾7,500万元嘅特首政策组，是否可以为政府提供良谋好桥，令香港由治入兴，提升管治效能，为市民解困，甚至让市民有幸福感，那仍待时间考验。然而，立法会人事编制委员会日前仍通过保留3个编外职位，以持续监察同协助西九文化区计划嘅推行。有议员称当中有一个职位系2008年设立，至今已15年，又称西九董事局可监察计划进行，亦设有财务总监，认为政府再派人监察令人百思不得其解。

有议员形容得妙，质疑保留呢啲编外职位系「电筒照太阳能电筒」，有叠床架屋之嫌。政府派唔派消费券就费煞思量，乱开位嘥公帑却眼尾唔眨一下，所谓「应使则使，审慎理财」原来系咁解？

评论员 施友朋


转载说明:本文转载自USDT交易平台。